Döman & Kogler Attorneys

General information

PROKUREUR * NOTARIS * AKTEBESORGER

Hermie Doman was 13 jaar in diens van Justisie as Staatsaanklaer en Landdros. Vanaf 1990 tot 2013 praktiseer hy in vennootskap as prokureur. Sy vakgebied is hoofsaaklik enige aangeleentheid wat in verband staan met eiendom. Bv. koopkontrakte van plase en dorpseiendomme, oordragte van plase en dorpseiendomme, onderverdeling van eiendomme, konsolidasies en die omskepping van woonstelblokke in deeltitel skemas.

Hermie is toegelaat as prokureur, notaris en transportbesorger. Deel van sy vakgebied is testamente, bestorwe boedels en as notaris is huweliksvoorwaardeskontrakte deel van die dienste wat die firma bied.

Hy glo dat as hy praktiseer soos tans die geval is - hy makliker by kliënte se behoeftes kan aanpas en in staat is om nog 'n beter diens te lewer.

Sy groot belangstelling is eiendom. Enigiemand is welkom om enige eiendomstransaksies of voorgenome eiendomstransaksies met hom te kom bespreek en die nodige bystand en hulp sal verleen word.

Eiendomstransaksies is dikwels die grootste finansiële transaksie vir meeste mense in hul leeftyd. Dit is dus noodsaaklik dat u van kundige diens gebruik moet maak om te verseker dat u eiendomstransaksie se risiko vir finansiële nadeel beperk word.